Það er til lausn við öllu.
Stundum er best að laga það sem virkar ekki. Stundum er hægt að bæta það sem fyrir er. Stundum er best að snúa öllu á haus, horfa á hlutina frá allt öðru sjónarhorni og finna lausnir sem enginn hafði séð fyrir.
Góð hugmynd er samt ekki nóg. Það þarf að skoða málin frá öllum hliðum, vega og meta möguleikana, finna réttu leiðina og láta hlutina gerast.
Ég hef fengið hugmyndir, fundið lausnir og látið hluti gerast í fjölbreyttum verkefnum með fyrirtækjum í ýmsum atvinnugreinum, meðal annars með stefnumótun, viðskiptaþróun og uppbyggingu verkefna og nýrrar starfsemi. Ég hef stofnað og rekið tæknifyrirtæki, komið á fót starfsemi alþjóðlegs stórfyrirtækis á Íslandi, byggt upp frumkvöðlasetur og leitt samstarfsverkefni fyrirtækja, stéttarfélags og háskóla um stafræna hæfni.
Þessi víðtæka reynsla gerir mér kleift að sjá hlutina frá ólíkum sjónarhornum og tengja saman hugmyndir, þekkingu og aðferðir úr ólíkum greinum. Þaðan spretta nýjar og betri hugmyndir og lausnir.
Og svo læt ég hlutina gerast.
Þarftu að laga, bæta eða byggja? Eða eitthvað miklu stærra?
Það er allt hægt.
